నందమూరి బాలకృష్ణ కెరీర్‌లో షాక్! మధ్యలో ఆగిపోయిన క్రేజీ సినిమాల లిస్ట్ ఇదే..

తెలుగు సినీ ఇండస్ట్రీలో నటసింహం నందమూరి బాలకృష్ణ అంటే మాస్ ఎంటర్టైన్మెంట్‌కు మరో పేరు. బాక్సాఫీస్ వద్ద ఎన్నో బ్లాక్‌బస్టర్ హిట్స్ ఇచ్చిన బాలయ్య కెరీర్‌లో కొన్ని భారీ అంచనాలతో ప్రారంభమైన సినిమాలు మాత్రం ప్రేక్షకుల ముందుకు రాకముందే ఆగిపోయాయి.

ఒకవైపు వరుస హిట్స్‌తో దూసుకెళ్లిన బాలకృష్ణ కెరీర్‌లో, మరోవైపు వివిధ కారణాలతో సెట్స్‌కే పరిమితమైన ప్రాజెక్ట్స్ కూడా ఉన్నాయి.

జంధ్యాల దర్శకత్వంలో అమెరికాలో భారీ ప్లానింగ్‌తో అనుకున్న ‘నటరత్న’ సినిమా వీసా సమస్యలు, డేట్స్ క్లాష్‌లతో ముందుకు సాగలేదు. అలాగే 3D ట్రెండ్ సమయంలో ప్రారంభమైన ‘శపథం 3D’ షూటింగ్ ప్రారంభం కాకముందే ఆగిపోయింది.కథల పోలికల వివాదాల కారణంగా ‘బాలకృష్ణుడు’ ప్రాజెక్ట్ రద్దవగా, బెల్లంకొండ సురేష్ నిర్మాణంలో వచ్చిన ‘కమాండో’ కొద్దిరోజుల షూటింగ్ తర్వాత నిలిచిపోయింది.

జానపద కథతో రూపొందుతున్న ‘విక్రమసింహ భూపతి’ హీరో–ప్రొడ్యూసర్ విభేదాలతో ఆగిపోగా, ఎన్టీఆర్ క్లాసిక్ రీమేక్‌గా బాలయ్య స్వయంగా డైరెక్షన్ చేసిన ప్రతిష్టాత్మక ‘నర్తనశాల’ షూటింగ్ దురదృష్టకర ఘటనల కారణంగా మధ్యలోనే నిలిచిపోయింది.అలాగే బి. గోపాల్ దర్శకత్వంలో వచ్చిన ‘హర హర మహాదేవ’ కూడా వివాదాలతో ముందుకు సాగలేకపోయింది.

ఇలా ఎన్నో విజయాల వెనుక, బాలకృష్ణ కెరీర్‌లో ఈ ఆగిపోయిన సినిమాలు ఇప్పటికీ టాలీవుడ్‌లో ఆసక్తికరమైన చర్చగా మిగిలాయి.