శ్రీవారి లడ్డూ చరిత్ర.. 300 ఏళ్లుగా మారని మహాప్రసాదం

Aug 03, 2026 - 18:15

0 3

శ్రీవారి లడ్డూ చరిత్ర.. 300 ఏళ్లుగా మారని మహాప్రసాదం

తిరుమల అంటే ముందుగా గుర్తొచ్చేది శ్రీవారి దర్శనం... ఆ తర్వాత వెంటనే గుర్తొచ్చేది ప్రపంచ ప్రసిద్ధి చెందిన శ్రీవారి లడ్డూ. కోట్లాది మంది భక్తులు స్వామివారి ఆశీర్వాదంగా భావించి ఈ మహాప్రసాదాన్ని భక్తిశ్రద్ధలతో స్వీకరిస్తారు.

అయితే తిరుమల ఆలయం ఏర్పడినప్పటి నుంచే లడ్డూ ప్రసాదం లేదు. తొలినాళ్లలో దధ్యోదనం, పులిహోర, పొంగలి, అప్పం, వడ, పాయసం వంటి సంప్రదాయ నైవేద్యాలనే శ్రీవారికి సమర్పించేవారు. అనంతరం భక్తుల సంఖ్య పెరగడంతో ఎక్కువకాలం నిల్వ ఉండే ప్రసాదం అవసరం ఏర్పడింది.

చారిత్రక ఆధారాల ప్రకారం ప్రస్తుతం అందిస్తున్న తిరుమల లడ్డూ ప్రసాదం 1715 ప్రాంతంలో ఆలయ నైవేద్య విధానంలో ప్రవేశించింది. కాలక్రమేణా ఇది తిరుమల ప్రధాన మహాప్రసాదంగా విశేష గుర్తింపు పొందింది.

శ్రీవారి లడ్డూ ప్రత్యేకత దాని రుచిలో మాత్రమే కాదు... ముందుగా స్వామివారికి నైవేద్యంగా సమర్పించిన తర్వాతే భక్తులకు ప్రసాదంగా అందించడం దీని విశిష్టత. శెనగపిండి, పంచదార, నెయ్యి, జీడిపప్పు, కిస్మిస్, యాలకులతో నిర్దిష్ట ప్రమాణాల ప్రకారం తయారుచేసే ఈ లడ్డూ నాణ్యతలో ఎలాంటి రాజీ ఉండదు.

2009లో తిరుపతి లడ్డూకు జియోగ్రాఫికల్ ఇండికేషన్ (GI) హోదా లభించింది. దీంతో "తిరుపతి లడ్డూ" పేరుతో ఈ మహాప్రసాదాన్ని తయారు చేసి పంపిణీ చేసే ప్రత్యేక హక్కు తిరుమల తిరుపతి దేవస్థానానికే దక్కింది. నేడు శ్రీవారి లడ్డూ ప్రపంచంలోనే అత్యంత ప్రసిద్ధి చెందిన దేవాలయ ప్రసాదాల్లో ఒకటిగా నిలిచింది.