గుర్తుపట్టలేనంత స్లిమ్ లుక్‌లో నమిత.. వైరల్ అవుతున్న ఫిట్‌నెస్ ట్రాన్స్‌ఫర్మేషన్!
ఒకప్పుడు తన గ్లామర్‌తో టాలీవుడ్, కోలీవుడ్ ప్రేక్షకులను అలరించిన హీరోయిన్ నమిత ఇప్పుడు మరోసారి సోషల్ మీడియాలో హాట్ టాపిక్‌గా మారింది. అయితే ఈసారి సినిమాల వల్ల కాదు.. ఆమె అద్భుతమైన ఫిట్‌నెస్ ట్రాన్స్‌ఫర్మేషన్ వల్ల.
తన అధికారిక ఇన్‌స్టాగ్రామ్ ఖాతాలో నమిత షేర్ చేసిన తాజా వర్కౌట్ వీడియో ప్రస్తుతం నెట్టింట వైరల్ అవుతోంది. జిమ్‌లో కఠినంగా వ్యాయామం చేస్తూ, పూర్తిగా స్లిమ్ లుక్‌లో కనిపించిన ఆమెను చూసి అభిమానులు ఆశ్చర్యపోతున్నారు. "మన మనసు ఏదైతే బలంగా నమ్ముతుందో... మన శరీరం కూడా అదే దిశగా మారుతుంది" అంటూ ఆమె చేసిన పోస్ట్‌కు విశేష స్పందన లభిస్తోంది.
ఒకప్పుడు గ్లామర్ క్వీన్‌గా పేరు తెచ్చుకున్న నమిత ఇప్పుడు ఫిట్‌నెస్‌కు ప్రాధాన్యం ఇస్తూ కొత్త అవతారంలో కనిపించడంతో సోషల్ మీడియాలో ప్రశంసలు వెల్లువెత్తుతున్నాయి. "ఇంత మార్పు ఎలా సాధించారు?", "అసలు ఈమె నమితేనా?", "గుర్తుపట్టలేకపోయాం" అంటూ నెటిజన్లు కామెంట్లు చేస్తున్నారు.
గుజరాత్‌లోని సూరత్‌కు చెందిన నమిత మోడల్‌గా కెరీర్ ప్రారంభించి, 'సొంతం' సినిమాతో తెలుగు ప్రేక్షకులకు పరిచయమయ్యారు. అనంతరం 'బిల్లా', 'సింహా', 'మన్యం పులి' వంటి చిత్రాలతో మంచి గుర్తింపు తెచ్చుకున్నారు. తమిళ చిత్రసీమలో కూడా ఆమెకు విశేష ఆదరణ లభించింది.
2017లో వ్యాపారవేత్త వీరేంద్ర చౌదరిని వివాహం చేసుకున్న నమిత, 2022లో కవల పిల్లలకు జన్మనిచ్చారు. కుటుంబ జీవితానికి ప్రాధాన్యం ఇస్తున్న ఆమె ఇప్పుడు ఫిట్‌నెస్‌పై దృష్టి పెట్టడంతో పాటు, ఈ కొత్త లుక్‌తో మళ్లీ సినిమాల్లోకి రీఎంట్రీ ఇస్తారనే ఊహాగానాలు వినిపిస్తున్నాయి. అయితే దీనిపై ఆమె ఇప్పటివరకు ఎలాంటి అధికారిక ప్రకటన చేయలేదు.
What's Your Reaction?
Like
0
Dislike
0
Love
0
Funny
0
Wow
0
Sad
0
Angry
0
Comments (0)