RGV-ఊర్మిళ రహస్య వివాహం..? సీనియర్ జర్నలిస్ట్ వ్యాఖ్యలపై చర్చ
దర్శకుడు రామ్ గోపాల్ వర్మ (RGV), బాలీవుడ్ నటి ఊర్మిళ మాతోండ్కర్ గురించి సోషల్ మీడియాలో మరోసారి చర్చ మొదలైంది. ప్రముఖ సినీ జర్నలిస్ట్ జ్యోతి వెంకటేశ్ ఓ పాడ్‌కాస్ట్‌లో చేసిన వ్యాఖ్యలు వైరల్ కావడంతో ఈ అంశం సినీ వర్గాల్లో ఆసక్తికరంగా మారింది.
జ్యోతి వెంకటేశ్ మాట్లాడుతూ.. గతంలో రామ్ గోపాల్ వర్మ, ఊర్మిళ మాతోండ్కర్ రహస్యంగా వివాహం చేసుకున్నారని తనకు సమాచారం అందిందని పేర్కొన్నారు. ఈ విషయాన్ని ఒక సందర్భంలో చిరంజీవి తనతో ప్రస్తావించారని, ఆంధ్రప్రదేశ్‌లోని ఓ ఆలయంలో ఈ వివాహం జరిగిందని, ఆ పెళ్లి నిర్వహించిన పూజారి వివరాలు కూడా ఇచ్చారని ఆయన చెప్పుకొచ్చారు.
ఆ విషయాన్ని నిర్ధారించుకునేందుకు తాను ఊర్మిళను సంప్రదించగా ఆమె తీవ్ర భావోద్వేగానికి గురయ్యారని, రామ్ గోపాల్ వర్మను సంప్రదించినప్పుడు ఆయన స్పందించడానికి నిరాకరించారని కూడా జ్యోతి వెంకటేశ్ పేర్కొన్నారు.
అయితే, ఈ వ్యాఖ్యలు పూర్తిగా జ్యోతి వెంకటేశ్ చేసిన వ్యక్తిగత వ్యాఖ్యలే. రామ్ గోపాల్ వర్మ గానీ, ఊర్మిళ మాతోండ్కర్ గానీ ఈ అంశంపై ఇప్పటివరకు ఎలాంటి అధికారిక ప్రకటన చేయలేదు. అందువల్ల ఈ వార్తను స్వతంత్రంగా ధృవీకరించడం సాధ్యం కాలేదు.
గతంలో 'రంగీలా', 'గాయం', 'అంతం', 'సత్య' వంటి చిత్రాల్లో రామ్ గోపాల్ వర్మ–ఊర్మిళ కాంబినేషన్ మంచి గుర్తింపు తెచ్చుకుంది. ఆ తర్వాత ఇద్దరూ కలిసి సినిమాలు చేయకపోవడంతో అప్పట్లో కూడా పలు ఊహాగానాలు వినిపించాయి. తాజాగా జ్యోతి వెంకటేశ్ చేసిన వ్యాఖ్యలతో ఆ చర్చలు మరోసారి సోషల్ మీడియాలో వైరల్ అవుతున్నాయి.
What's Your Reaction?
Like
0
Dislike
0
Love
0
Funny
0
Wow
0
Sad
0
Angry
0
Comments (0)