డేటింగ్ షో హోస్ట్‌గా రమ్యకృష్ణ

ఓటీటీ ప్రపంచంలో మరో వినూత్నమైన రియాలిటీ షో హాట్ టాపిక్‌గా మారింది. బ్రేకప్ అయిన లవర్స్‌కు మళ్లీ కొత్త ప్రేమను కనుగొనే అవకాశం ఇచ్చే కాన్సెప్ట్‌తో రూపొందిన తమిళ డేటింగ్ షో  “సెకండ్ లవ్” ఇప్పుడు భారీ ఆసక్తిని రేపుతోంది.

ఈ షోకు హోస్ట్‌గా ‘బాహుబలి’లో శివగామి పాత్రతో దేశవ్యాప్తంగా గుర్తింపు పొందిన సీనియర్ నటి  రమ్యకృష్ణ వ్యవహరించబోతుండటం ప్రత్యేక ఆకర్షణగా మారింది. పవర్‌ఫుల్ పాత్రలతో ప్రేక్షకులను ఆకట్టుకున్న ఆమె ఈసారి పూర్తిగా భిన్నమైన అవతారంలో కనిపించనున్నారు.

జియో హాట్‌స్టార్‌లో త్వరలో స్ట్రీమింగ్ కానున్న ఈ షోలో ప్రేమలో విఫలమైన 30 ఏళ్ల లోపు 12 మంది యువతీ యువకులు ఒక లగ్జరీ విల్లాలో కలిసి ఉంటారు. అక్కడ వారు తమ జీవితంలో రెండో ప్రేమను వెతుక్కోవాల్సి ఉంటుంది. రిలేషన్‌షిప్స్, ఎమోషన్స్, డ్రామా, ట్విస్ట్‌లతో నిండిన ఈ షో జెన్-జీ ప్రేక్షకులను లక్ష్యంగా చేసుకుని రూపొందించబడింది.

తాజాగా విడుదలైన పోస్టర్‌లో రమ్యకృష్ణ లుక్ సోషల్ మీడియాలో వైరల్‌గా మారింది. “ఇది శివగామి కాదు.. సరికొత్త స్టైలిష్ రమ్యకృష్ణ” అంటూ నెటిజన్లు కామెంట్లు చేస్తున్నారు.

డేటింగ్ రియాలిటీ షో జోనర్ దక్షిణాది ఓటీటీల్లో పెద్దగా కనిపించని నేపథ్యంలో, ఈ షో ఒక కొత్త ప్రయోగంగా భావిస్తున్నారు.

మొత్తానికి, శివగామి రమ్యకృష్ణ ఈసారి ఓటీటీలో పూర్తిగా కొత్త అవతారంలో ప్రేక్షకుల ముందుకు రాబోతున్నారు. ఈ షో ఎంతవరకు విజయాన్ని అందుకుంటుందో చూడాలి.