బేబీ బంప్‌తో సమంత హెవీ వర్కౌట్స్.. ఫిట్‌నెస్‌ వీడియో వైరల్

టాలీవుడ్ స్టార్ హీరోయిన్ సమంత ప్రస్తుతం తన జీవితంలో అత్యంత మధురమైన దశను ఆస్వాదిస్తోంది. ఇటీవల దర్శకుడు రాజ్ నిడిమోరును వివాహం చేసుకున్న ఆమె ప్రస్తుతం గర్భవతి అనే విషయం తెలిసిందే. ఈ క్రమంలోనే తాజాగా బేబీ బంప్‌తో చేసిన వర్కౌట్ వీడియోను సమంత సోషల్ మీడియాలో షేర్ చేయగా, అది క్షణాల్లోనే వైరల్‌గా మారింది.

ఈ వీడియోలో సమంత బలమైన తాడుతో కూడిన ట్రైనింగ్ ఎక్విప్‌మెంట్ సహాయంతో అప్పర్ బాడీ వర్కౌట్స్ చేస్తూ కనిపించింది. ప్రతి సెట్స్ తర్వాత కొద్దిసేపు విశ్రాంతి తీసుకుంటూ తన ఫిట్‌నెస్‌పై ఉన్న అంకితభావాన్ని చూపించింది. 39 ఏళ్ల వయసులో తొలి బిడ్డకు జన్మనివ్వబోతున్న సమంత ఈ సమయంలోనూ వ్యాయామాన్ని కొనసాగించడం అభిమానులను ఆశ్చర్యానికి గురిచేస్తోంది.

సాధారణంగా గర్భధారణ సమయంలో విశ్రాంతికి ప్రాధాన్యత ఇస్తారు. అయితే వైద్యుల పర్యవేక్షణలో తగిన వ్యాయామాలు చేయడం వల్ల శరీర ఆరోగ్యం మెరుగుపడుతుందని, నార్మల్ డెలివరీకి అవకాశాలు పెరుగుతాయని నిపుణులు చెబుతున్నారు. ఈ నేపథ్యంలో సమంత ఫిట్‌నెస్ డెడికేషన్‌పై నెటిజన్లు ప్రశంసలు కురిపిస్తున్నారు. కొందరు అభిమానులు ఆమె ఆరోగ్యం జాగ్రత్తగా చూసుకోవాలని, అవసరమైనంత విశ్రాంతి తీసుకోవాలని సూచిస్తున్నారు.

ఇదే సమయంలో సమంత నటించి, నిర్మించిన ‘మా ఇంటి బంగారం’ చిత్రం బాక్సాఫీస్ వద్ద సంచలనం సృష్టించింది. ప్రపంచవ్యాప్తంగా సుమారు రూ. 86.80 కోట్ల గ్రాస్ వసూళ్లు సాధించిన ఈ సినిమా, టాలీవుడ్‌లో సోలో ఫీమేల్ లీడ్‌గా అత్యధిక వసూళ్లు సాధించిన చిత్రంగా రికార్డు సృష్టించింది. ఈ విజయంతో 17 ఏళ్ల నాటి ‘అరుంధతి’ రికార్డును కూడా సమంత అధిగమించినట్లు సినీ వర్గాలు చెబుతున్నాయి.

వ్యక్తిగత జీవితంలో నాగచైతన్యతో విడాకుల తర్వాత కొంతకాలం ఒంటరిగా ఉన్న సమంత, ఆ తర్వాత బాలీవుడ్ దర్శకుడు రాజ్ నిడిమోరుతో ప్రేమలో పడి గతేడాది వివాహం చేసుకుంది. ప్రస్తుతం ఈ జంట తమ జీవితంలోకి రాబోతున్న కొత్త అతిథి కోసం ఆనందంగా ఎదురుచూస్తోంది.