రుద్రంకోటకు ముప్పు.. వేల ఏళ్ల చారిత్రక సంపద జలసమాధి కానుందా?
ఏలూరు జిల్లా వేలేరుపాడు మండలంలోని రుద్రంకోట గ్రామం వేల ఏళ్ల చరిత్రను తనలో దాచుకున్న అరుదైన చారిత్రక ప్రాంతంగా గుర్తింపు పొందింది. ఒకవైపు ఆదిమానవుల జీవన విధానానికి సంబంధించిన పురావస్తు ఆనవాళ్లు, మరోవైపు కాకతీయుల పాలనా వైభవానికి నిదర్శనమైన కోట, శిల్పాలు, శివాలయం ఈ ప్రాంత ప్రత్యేకతగా నిలిచాయి. ఇటీవల పురావస్తు శాఖ జరిపిన తవ్వకాల్లో భారీ రాతి సమాధులు, ఇనుప గొడ్డళ్లు, కత్తులు, మట్టి పాత్రలు, రంగురంగుల పూసలు వెలుగులోకి రావడం చరిత్రకారులను సైతం ఆశ్చర్యానికి గురిచేసింది.
చరిత్రకారుల అభిప్రాయం ప్రకారం, ఈ ప్రాంతంలో నివసించిన ప్రజలు ఇనుప పనిముట్ల తయారీలో నైపుణ్యం సాధించడమే కాకుండా, గుజరాత్ వంటి దూర ప్రాంతాలతో వ్యాపారం కూడా నిర్వహించినట్లు ఆధారాలు సూచిస్తున్నాయి. అనంతరం కాకతీయుల కాలంలో రాణి రుద్రమదేవి పేరుతో ఈ ప్రాంతానికి 'రుద్రంకోట' అనే పేరు వచ్చిందని స్థానిక చరిత్ర చెబుతోంది. ప్రస్తుతం పోలవరం ప్రాజెక్టు ముంపు కారణంగా ఈ చారిత్రక ప్రాంతం పూర్తిగా నీటిలో కలిసిపోయే ప్రమాదం నెలకొంది. భావితరాలకు ఈ చారిత్రక వారసత్వాన్ని అందించాలంటే పురావస్తు సంపదను వెంటనే సురక్షిత ప్రాంతాలకు తరలించి మ్యూజియంలో భద్రపరచాలని చరిత్రకారులు, స్థానికులు ప్రభుత్వాన్ని కోరుతున్నారు.
What's Your Reaction?
Like
0
Dislike
0
Love
0
Funny
0
Wow
0
Sad
0
Angry
0
Comments (0)