వైరల్ అవుతున్నసీరియల్ నటి జయ హారిక గృహప్రవేశ వేడుక

Jul 18, 2026 - 14:52

0 2

వైరల్ అవుతున్నసీరియల్ నటి జయ హారిక గృహప్రవేశ వేడుక

తెలుగు బుల్లితెర ప్రముఖ జంట ఏక్‌నాథ్, జయ హారిక తమ జీవితంలో మరో అందమైన మైలురాయిని చేరుకున్నారు. ఎన్నో కలలతో నిర్మించుకున్న తమ సొంత ఇంటిలో ఇటీవల సాంప్రదాయ పద్ధతిలో ఘనంగా గృహప్రవేశం నిర్వహించారు. ఈ వేడుకకు సంబంధించిన ఫోటోలు, వీడియోలు ప్రస్తుతం సోషల్ మీడియాలో వైరల్ అవుతూ అభిమానులను ఆకట్టుకుంటున్నాయి.

'నేను శైలజ' సీరియల్‌లో కలిసి నటించిన సమయంలో ఏక్‌నాథ్, జయ హారిక మధ్య పరిచయం ప్రేమగా మారింది. అనంతరం కుటుంబ సభ్యుల సమక్షంలో వివాహం చేసుకున్న ఈ జంట, ఇండస్ట్రీలో బెస్ట్ కపుల్‌గా మంచి గుర్తింపు పొందింది. ఇప్పుడు సొంత ఇంటి కలను నెరవేర్చుకుని కొత్త జీవితాన్ని ప్రారంభించింది.

గృహప్రవేశ వేడుకలో జయ హారిక పట్టుచీరలో సంప్రదాయ లుక్‌తో మెరిసిపోగా, ఏక్‌నాథ్ పంచెకట్టులో ఆకట్టుకున్నారు. పాలు పొంగించడం, సత్యనారాయణ స్వామి వ్రతం, హోమం వంటి పూజా కార్యక్రమాలను భక్తిశ్రద్ధలతో నిర్వహించారు. ఈ వేడుకకు కుటుంబ సభ్యులు, ఆప్తులు, బుల్లితెరకు చెందిన పలువురు నటీనటులు హాజరై నూతన గృహంలోకి అడుగుపెట్టిన దంపతులను ఆశీర్వదించారు.

గృహప్రవేశానికి సంబంధించిన వీడియోలు, ఫోటోలు సోషల్ మీడియాలో వైరల్ అవుతుండగా, అభిమానులు ఈ జంటకు పెద్ద ఎత్తున శుభాకాంక్షలు తెలియజేస్తున్నారు. "మీ కొత్త ఇల్లు ఎంతో అందంగా ఉంది", "నూతన గృహప్రవేశ శుభాకాంక్షలు", "మీ జీవితంలో మరిన్ని విజయాలు సాధించాలి" అంటూ కామెంట్లు చేస్తున్నారు.